Meta Quest 3 vs Quest 3S: మీ PC గేమింగ్ కోసం ఏది బెస్ట్? పూర్తి రివ్యూ!

వర్చువల్ రియాలిటీ (VR) అనేది ఇప్పుడు కేవలం సైన్స్ ఫిక్షన్ సినిమాలకే పరిమితం కాలేదు. మన కళ్ల ముందే ఒక కొత్త ప్రపంచాన్ని సృష్టించే టెక్నాలజీ ఇది. ముఖ్యంగా గేమింగ్ ప్రియులకు VR ఒక సరికొత్త అనుభవాన్ని అందిస్తోంది. ప్రస్తుతం మార్కెట్‌లో Meta Quest 3, Meta Quest 3S గురించి తెగ చర్చ జరుగుతోంది. మరి ఈ రెండింటిలో ఏది పవర్‌ఫుల్? అసలు వీటిని కంప్యూటర్‌(PC) కి కనెక్ట్ చేసి హై-ఎండ్ గేమ్స్ ఆడవచ్చా? అనే విషయాలను ఈ ఆర్టికల్‌లో క్లియర్ గా తెలుసుకుందాం.

VR అంటే ఏమిటి? PC VR గేమింగ్ ఎందుకు ట్రెండింగ్‌లో ఉంది?

VR (Virtual Reality) అంటే మీరు ఒక హెడ్‌సెట్ పెట్టుకోగానే, మీరున్న ప్రదేశం మాయమైపోయి ఒక డిజిటల్ ప్రపంచంలోకి వెళ్ళిపోతారు. అక్కడ మీరు వస్తువులను తాకవచ్చు, యుద్ధాలు చేయవచ్చు లేదా ప్రపంచం చుట్టూ తిరగవచ్చు.

ఇక PC VR విషయానికి వస్తే, ఇది గేమింగ్ ప్రపంచంలో ఒక ‘నెక్స్ట్ లెవల్’ అని చెప్పాలి. హెడ్‌సెట్‌లో ఉండే ప్రాసెసర్ కంటే మీ PC లో ఉండే గ్రాఫిక్స్ కార్డ్ (GPU) చాలా శక్తివంతంగా ఉండాలి. అందుకే Half-Life: Alyx వంటి గ్రాఫిక్స్ గేమ్స్ ఆడాలంటే PC VR కచ్చితంగా ఉండాల్సిందే. అందుకే ఇప్పుడు యూత్ అంతా మెటా క్వెస్ట్ హెడ్‌సెట్‌లను PC కి కనెక్ట్ చేసి ఆడటానికి ఇష్టపడుతున్నారు.

VR Headset Games – PC లో VR గేమింగ్ అనుభవం

VR headset games అంటే మామూలు మొబైల్ లేదా టీవీ గేమ్స్ లా ఉండవు. మీరు ఫిజికల్‌గా కదులుతూ ఆడాల్సి ఉంటుంది.

టాప్ గేమ్స్: Beat Saber, Superhot VR, ఫ్లైట్ సిమ్యులేటర్స్ వంటివి PC VR లో అద్భుతంగా ఉంటాయి.
Quest 3 తో PC VR: మెటా క్వెస్ట్ 3 (Meta Quest 3) అనేది ఒక ‘స్టాండలోన్’ హెడ్‌సెట్ (అంటే వైర్ లేకుండా సొంతంగా పనిచేస్తుంది). కానీ దీన్ని మీ కంప్యూటర్‌కు కనెక్ట్ చేసినప్పుడు, ఇది ఒక హై-ఎండ్ డిస్‌ప్లే లాగా మారిపోతుంది. దీనివల్ల PC లోని భారీ గ్రాఫిక్స్ మీ కళ్ల ముందు కనిపిస్తాయి.

VR Headset for PC – Meta Quest 3 ను PC కి కనెక్ట్ చేయవచ్చా?

చాలామందికి వచ్చే పెద్ద డౌట్ ఇదే. సమాధానం: అవును, ఖచ్చితంగా కనెక్ట్ చేయవచ్చు!

కనెక్ట్ చేయడానికి మార్గాలు:

Meta Quest Link: ఇది ఒక USB-C కేబుల్ ద్వారా కనెక్ట్ చేసే పద్ధతి. లాగ్ (Lag) లేకుండా స్మూత్ గేమింగ్ కోసం ఇది బెస్ట్.
Air Link: వైర్లు లేకుండా వైఫై (Wi-Fi 6/6E) ద్వారా కనెక్ట్ చేసే టెక్నాలజీ. గదిలో ఎక్కడికైనా కదులుతూ ఆడుకోవచ్చు.

PC Requirements: మీ PC లో కనీసం Intel i5 లేదా అంతకంటే ఎక్కువ ప్రాసెసర్, 16GB RAMతో పాటు NVIDIA RTX 3060 లేదా అంతకంటే మెరుగైన గ్రాఫిక్స్ కార్డ్ ఉండాలి.

VR Headset Oculus (Meta) – అసలు ఈ మార్పు ఏంటి?

ఒకప్పుడు ఈ హెడ్‌సెట్‌లను Oculus అని పిలిచేవారు. ఫేస్‌బుక్ కంపెనీ తన పేరును ‘Meta’ గా మార్చుకున్నాక, Oculus కాస్త Meta Quest గా మారింది.

Quest 3 లో వచ్చిన మార్పులు:

Pancake Lenses: ఇవి పాత లెన్స్‌ల కంటే సన్నగా ఉంటాయి. ఇమేజ్ చాలా క్లారిటీగా (Sharp) కనిపిస్తుంది.
Mixed Reality (MR): ఇది కేవలం వర్చువల్ ప్రపంచమే కాదు, మీ గదిలోనే డిజిటల్ వస్తువులను చూసేలా చేస్తుంది. అంటే మీ గది గోడలపై నుండి జంబీలు వస్తున్నట్లు మీరు చూడొచ్చు!

Can I use Meta Quest 3 headset with my PC?

డైరెక్ట్ గా చెప్పాలంటే— Yes! మెటా క్వెస్ట్ 3 ప్రస్తుతం మార్కెట్‌లో ఉన్న బెస్ట్ PC VR హెడ్‌సెట్‌లలో ఒకటి.

USB-C Link Cable: మీరు చాలాసేపూ నాన్‌-స్టాప్‌గా, హై-రిజల్యూషన్‌లో ఆడాలనుకుంటే కేబుల్ వాడటం మంచిది
Wireless Performance: మీకు వైర్లు అడ్డు పడకూడదు అనుకుంటే ‘Virtual Desktop’ లేదా ‘Steam Link’ యాప్స్ ఉపయోగించి వైర్లెస్ గా ఆడొచ్చు. అయితే దీనికి మీకు 5GHz లేదా 6GHz రూటర్ ఉండాలి.

Is Meta Quest 3 worth it? PC VR నిజంగా విలువ ఉందా?

Quest 3 ఎవరికి బెస్ట్?

మీరు ఒకవేళ సీరియస్ గేమర్ అయితే, బడ్జెట్ ఇబ్బంది లేకపోతే (దాదాపు 50-60 వేల రూపాయలు), క్వెస్ట్ 3 ఖచ్చితంగా Worth it.

Pros:

అద్భుతమైన 4K+ డిస్‌ప్లే రిజల్యూషన్.
సన్నని డిజైన్ వల్ల తల మీద బరువు తక్కువగా అనిపిస్తుంది.
అన్ని రకాల PC గేమ్స్ సపోర్ట్ చేస్తుంది.

Cons:

ధర కొంచెం ఎక్కువ.
బ్యాటరీ లైఫ్ కేవలం 2 గంటలు మాత్రమే (కానీ పవర్ బ్యాంక్ వాడుకోవచ్చు).

IPD Difference: Meta Quest 3S vs Quest 3

చాలామంది ఇక్కడే కన్ఫ్యూజ్ అవుతారు. IPD (Interpupillary Distance) అంటే మీ రెండు కళ్ల మధ్య ఉండే దూరం. ప్రతి ఒక్కరి కళ్ల దూరం వేరుగా ఉంటుంది.

Quest 3: ఇందులో ఒక చిన్న చక్రం (Wheel) ఉంటుంది. దీన్ని తిప్పుతూ మీ కళ్లకి సరిపోయేలా అడ్జస్ట్ చేసుకోవచ్చు. ఇది చాలా ప్రిసైజ్ గా ఉంటుంది.
Quest 3S: ఇది బడ్జెట్ మోడల్ కాబట్టి, ఇందులో కేవలం 3 ఫిక్స్‌డ్ సెట్టింగ్స్ మాత్రమే ఉంటాయి. ఒకవేళ మీ కళ్ల దూరం ఆ మూడింటికీ మ్యాచ్ అవ్వకపోతే, ఇమేజ్ కొంచెం బ్లర్ గా అనిపించే అవకాశం ఉంది.
ముఖ్యమైన తేడా: క్వెస్ట్ 3 లో ‘పాన్‌కేక్ లెన్స్‌లు’ ఉంటాయి, క్వెస్ట్ 3S లో పాత ‘ఫ్రెనల్ లెన్స్‌లు’ (Quest 2 లో ఉన్నవి) ఉంటాయి.

Meta Quest 3S VR Headset Release Date & Budget

Meta Quest 3S అనేది 2024 చివర్లో విడుదలైంది. ఇది కేవలం తక్కువ బడ్జెట్‌లో VR అనుభవాన్ని పొందాలనుకునే వారి కోసం తయారు చేసింది.

ధర: క్వెస్ట్ 3 తో పోలిస్తే ఇది చాలా తక్కువ ధరకే లభిస్తుంది.
సామర్థ్యం: ప్రాసెసర్ మాత్రం క్వెస్ట్ 3 లో ఉన్న పవర్‌ఫుల్ Snapdragon XR2 Gen 2 నే ఇందులో కూడా వాడారు. అంటే గేమ్స్ స్పీడ్ గానే రన్ అవుతాయి, కానీ విజువల్ క్వాలిటీ కొంచెం తగ్గుతుంది.